( غوغل ) تفتتح فرعاً في حلب

بإدارة أبو عبدو... ( غوغل ) تفتتح فرعاً في حلب

انتقل اسم محرك البحث العالمي (غوغل) من صفحات الإنترنيت إلى واجهة محل لبيع الخضروات في منطقة الفرقان بحلب .

وأقرّ أبو عبدو (الخضرجي ) لـ يوميات حلب أنه لا يعرف عن اسم غوغل إلا أن له علاقة بالكمبيوتر ، لكنه بالمقابل أشار بسعادة إلى أن هذا الاسم ساهم بشهرته في المنطقة قائلاً " استأجرت هذا المحل منذ عشرة أشهر فقط والحمد لله الشغل عم يتحسن وصار محلي مشهور بالمنطقة والو زباينه "

الأمر الذي أكّده المهندس "فايز" أحد سكان الحي الجدد "عندما انتقل سكني إلى هنا لفت نظري وجود هذا المحل باسمه الطريف مما جذبني للتعامل معه و ما زلت حتى الآن"

وعن قصة اختيار الاسم للمحل قال أبو عبدو "والله ما بعرف .. الاسم كان لمحل إنترنيت قبلي ولما استأجرته فكرت أغير الاسم وطبعت كرت للمحل باسم - مخزن هبة الله - وبعد فترة لاحظت أن الناس عرفت محلي باسم محل غوغل للخضرة فتركت الاسم وما غيرته

اسم عالمي .. وأسعار محلية .. وعلى راسي المحافظ وأوامره :
يقول أبو عبدو إن عقد آجاره سنة واحدة وأنه يفكر جديا بالرحيل بعد انقضاء المدة لأن صاحب المحلّ يريد رفع بدل الآجار " و إذا بدي أدفع آجار عالي لازم أرفع تسعيرة الخضرة عالناس وبالتالي أخسر زبايني ، لهيك قررت أترك هالمحل وأدور على محل ارخص فانا بياع خضرة درويش وما بقدر ادفع كل شهر 30 ألف آجار محل"

مؤكداً أن ما أهم من اسم غوغل بالنسبة للزباين هو اسم "أبو عبدو" الذي عودهم على التعامل الطيب والبضاعة الجيدة والأسعار المقبولة .

أما عن قرار المحافظة الأخير بتعريب أسماء المحلات فقال أبو عبدو " والله ما سمعت بهالقرار بس إذا المحافظ هيك بدو تكرم عيونه بغطي اسم المحل بقماشة منشان ما يسكرولي المحل "

__________________________

مشكور اخ مصطفى

» تخيل كيف رح يكون غوغل في عام 2080 ؟؟؟؟
» غوغل تعلن اعتزامها طرح نظام تشغيل ثوري